Եւրոպայի Խորհուրդը Միջկրօնական Երկխօսութիւն Կը Կազմակերպէ` Կրօնական Մեծ Անձնաւորութիւններ Կը Մասնակցին Խորհրդաժողովին։

Սդրազպուրկի մէջ տեղի կ'ունենայ միջկրօնական երկխօսութիւն` նախաձեռնութեամբ Եւրոպայի խորհուրդի։ Այդ խորհրդաժողովին հրաւիրուած են քրիստոնեայ, հրեայ եւ մահմետական կրօնապետեր։ Կարտինալ Թոռան` նախագահը միջկրօնական քահանայապետական խորհուրդին խօսք պիտի առնէ յանուն կաթողիկէ եկեղեցւոյ։ Նոյնպէս խօսք պիտի առնեն Ռումանիոյ օրթոտոքս եկեղեցւոյ պատրիարք Տանիէլ Չոպոդէա, Գերմանիոյ բողոքական եկեղեցւոյ խորհուրդի աստուածաբան` Պերնարտ ֆելենպերկ, Ռուսիոյ ռաբունապետ Պերել Լազար եւ Թուրքիոյ կրօնական հարցերու բաժնի կառավարիչը Մեհմետ Կորմէզ։ Խորհրդաժողովին նպատակն է հզօրացնել մտաւորական երկխօսութիւնը Եւրոպայի խորհուրդի եւ կրօնական համայնքներու ու մարդկայնական կազմակերպութիւններու միջեւ։ Մէկ խօսքով Եւրոպայի խորհուրդը կը նպատակադրէ երկխօսութեան մնայուն խորհուրդի մը հաստատումը։